Horst alle Fälder sin werr blank,
dröm fiere wej now 'Erntedank'.
Wej danke, dat den Weit so schwoar,
on Rogg on Garst wie sälde woar.
*
Wej danke, dat die Rübe dekk,
dat Wäär bleew dröög, bes alles weg.
Wej danke, dat den Mais so groot,
die Schüre voll. Et gefft ken Not!
*
Wej danke, dat den Plümm so grün,
sön Knolle heij noch nit gesien!
On Stekkrübe onmöndig schwoar!
Sowat gefft et nit jedes Joar!
*
Den Prei innen Hoff, horst Stang för Stang,
den was 'nen halwe Meter lang.
Den Blummekohl nit te vergäte:
Van enne koss man drij Daag äte!
*
Die Ärpele achter innen Hukk,
en Kokksel gow et van 'ne Strukk.
Völl kromme Gurke hadde wej,
Mäll on Spinat on Sälderej.
*
Die Suurmustonn es nit mehr dor.
Dat was en rechtig Kappesjoar!
On Appele - sowat gefft et nit!
Wen löst vandaag noch Appelekrütt?
*
On Prumme gow et - bännevoll;
man wett nit, wat man dormet soll!
Vör Peere deje de Täkk sich bööge.
Wen düt vandaag noch Peere drööge?
*
Wen düt vandaag noch wat inmake?
De Supermarkt het all die Sake!
Wen mekkt den Kälder voll Reserve?
Inne Supermarkt stönn die Konserve!
*
Wej hemme, wat dat Herz begehrt.
On doch! Wej hemme wat verlehrt:
Wej dün dat 'Danke' dökk vergäte,
weil alles dor es för te äte!
*
Weil ons doch alles es gegäwe,
wat nödig het man för et Läwe.
Weil wej nit weete ganz gewess,
wat Ärmut on wat Honger es!
*
Dat soll ons sin vandaag ganz kloar,
dat et för ons en gut Joar woar!
On all, die hier sin, all been:
Wej segge laut dat 'Dankeschön'!
*
Dann dörwe wej ok fröhlich sin,
en Bierke drenke on ok Win.
En Liedge senge on ok danze.
Ons 'Dankeschön' soll sin dat ganze!